СЛАВЯНСКИЕ СТИХИ
Русинский
Василий Васильевич Калин
"Современна мрія"
Девять класу проходивим
У селі до школы
Та лиш нервы колотивим
Вчителям довкола.
Вижу урус я великый,
Треба ся змагати,
Каже мамка ми: "Ты никай
Гроші заробляти".
Сівим рано на біціглі
Тай до вуйка плещу,
Кажу вуйку туй не фіглі -
Беріт ня у хащу.
Хочу з вами поробити
У вашуй бригаді,
На машину заробити -
Буду в шоколаді.
Через тыждень у торбину
Цуря си трамбую:
Дві тушонкы, солонину
Тай вина пакую.
Мамка ми ся помолила,
Щоб дуйшов без пришты,
Туй машина привалила
Рушили нарешті.
Тот сезоним идробив -
Тяжко ми там было,
Крехта гроши заробив,
Тай літо минуло.
Комары ня там ізіли,
Лепавый ходивим,
Як ми в хащи надоіло
У вагоні живим.
Кой прийшовим из роботы
З своими грошима
Та до Хуста у суботу
Зкупитись рішивим.
Уникавим телефон,
Ноутбук тай скутер,
Ще й костюмчик пуд фасон -
Гроші як на вітер.
Ой не всталось на машину,
Гроши бурш не маю -
Треба брати знов торбину
До чужого краю.
2015 год
#slavpoems #славстихи
